March of House Purchasing

am730
2010-03-30
胡孟青

樓市過山車有無膽上車
大市於復活節前突然開車，因為公司業績確係唔錯，有大行計過，四成已公佈業績藍籌股，八成符合市場預期，連建設銀行(939)都賺過千億元人民幣，中國石化(386)盈利倍增，更獲阿媽(母公司)注入安哥拉油田。待好消息出貨後，應該趁低買入作長期持有。
至於美金無再大升，期指結算前後較波動，短線好淡友對決在20,500點之前。常言道，在今年反覆上落的市況中，見到陽燭唔使過分興奮飛身撲入，見到陰燭，亦唔需自亂陣腳，不問價沽貨離場。
升市成交額少，可能係被俄羅斯地鐵恐怖襲擊嚇親，仲有週末，內地有傳人民銀行會加存款準備金率，美國本週五亦有失業數據發表。
呢次美國發表的失業報告，被視為較有指標性，有機會進一步反映當地經濟復甦的步伐加快，預期非農業新增職位，最少要超過20萬個。正正係對數據憧憬無限，帶動美股連升4個星期，即使商務部調低去年第四季實際經濟增長率3個百分點，至5.6%水平，仍無改變美國人對當地經濟復甦的睇法。
全美2月份的失業率持平均30年以來的高位9.7%，較市場預期的好，同期有7個州失業率甚至下降，16個州持平，27個州仍在上升，較1月時的31個州份齊升有明顯改善。
按呢個數字推算，理論上3月的情況應不會太差。
數字反映經濟好轉，但打工仔話感受唔到，認為係政府手段，粉飾太平。
從美國一些大型BLOG，看到當地人的留言，唔多唔少睇得出經濟的暗湧。唔少人話，唔相信政府所描繪的經濟假象，認為係為11月中期選舉造勢。
甚至有人認為，在政府債台高築的前提下，經濟尚未見谷底，美元好快變廢紙，有錢都係買黃金最穩陣。
至於房產泡沫爆破之後，樓價調整至今稍為喘定，但新屋銷售數字，仍係未止血，2月再跌2%，至30.8萬間，根本係有價無市。
美國人唔係全部都無錢，畢竟全球最多財富仍係集中於一小撮美國人手中，樓價唔止血，因為美國人對買樓的觀念改觀。
就好似經歷過97做樓蟹的朋友，都怕咗再買樓，今次唔同既係，美國樓市既升浪係由90年開始，買樓必賺，已係所有美國人既共識，亦係心目中最佳的投資選擇，亦即係話，平民百姓既資產大部分都係樓。金融海嘯過後，資產變負債，昔日樓係寶，今日樓係草。有樓既都希望樓價繼續升，可以「甩身」，點會有條件上升。
香港97至今要經歷咁多年，樓蟹先有望解套，美國幾時先會好番？想知唔難，只要上Google找呢段叫「Real Estate Roller Coaster」的片段，就可以感受到美國過去幾十年樓市走勢，變成過山車後到底係點樣。結果唔使多講，直覺會話你知。

買樓進行曲

Video Clip: (1st session)

回答以下問題:

１．為什麼阿勤不打算買樓置業? 片中的故事揭示了什麼社會問題？

***２．對在職者來說，物業資產也許是他們的目標之一。對身為學生的你而言，你們的目標又是什麼呢？你最希望在學生生涯中得到什麼呢？